Главная
Қауымдастық туралы
Білім беруді аккредиттеу жөніндегі Орталық Азия қауымдастығы (СААAE) — Қазақстан Республикасының Танылған аккредиттеу органдарының тізіліміне енгізілген Қазақстанның жетекші қоғамдық-кәсіби аккредиттеу агенттіктерінің бірі. Қауымдастық Қазақстанда және Орталық Азия елдерінде жоғары оқу орындарын, колледждерді және қосымша білім беру ұйымдарын тәуелсіз институционалдық және бағдарламалық аккредиттеуден өткізеді.
СААAE — Инженерлік білім беруді аккредиттеу жөніндегі Еуропалық қауымдастықтың (ENAEE) толық құқылы мүшесі және инженерлік білім беру бағдарламаларына EUR-ACE® Label халықаралық сапа белгісін беру құқығына ие Орталық Азиядағы жалғыз қоғамдық-кәсіби ұйым. Сапа белгісі Қазақстанның жетекші университеттерінің бағдарламаларына берілді, ал 2025 жылы СААAE Орталық Азия агенттіктерінің арасында алғаш рет еуропалық университетті — Наварра университетін (Испания) халықаралық аккредиттеуден өткізді.
Қауымдастық Орталық Азия білім беру сапасын қамтамасыз ету федерациясының (ЦАФ) және еуропалық дерекқорлармен синхрондалған өңірлік ЦАФ Тізілімінің операторы болып табылады, сондай-ақ Erasmus+ EduFusion жобасын қоса алғанда, еуропалық бастамаларға қатысады.